◼بيع وشراء العقارات من اكثر التصرفات شيوعا في المجتمع ,علشان كدة من الضروري ان اللي بيشتري عقار مهم جدا يطبق بعض النصائح التاليه قبل ما يوقع عقد الشراء : -
- لازم تتطلع وتتاكد من صحة ( عقود البيع السابقة,اوراق الارض المقام عليها العقار ,أصول التوكيلات او صور منها وتسلسل التوكيلات ,العقود المسجلة للعقار أن وجدت ,رخصة بناء العقار وتصريح البناء من جهة اصدارة وعدد الادوار المصرح بها واخيرا ايصالات المرافق ) .
- لازم تكتب عقد بيع منصوص فيه علي بيانات العقار تفصيلا متضمن الحدود والمعالم والوصف والثمن الحقيقي للشراء واياك وكتابة ثمن اقل من ثمن العقار الحقيقي لازم تكتب الثمن الحقيقي علشان لو حصل فسخ للعقد او حالة شفعة مش هتسترد غير الثمن المكتوب بالعقد فقط .
- لازم تتاكد من ان الشخص الموقع علي العقد بصفته البائع أو وكيل البائع وقع في حدود صلاحياته , يعني لو بائع يكون مالك للعقار ملكية منفردة مش علي الشيوع كونه معاه شريك تاني مثلا في الملكية ,ولو العقار ميراث لابد من التأكد من اصل اعلان الوراثة وتوقيع جميع الورثة امامك علي عقد البيع ولو في قاصر من ضمن الورثة لازم تتطلع علي اصل قرار الوصاية ويوقع الوصي بصفته امامك علي العقد , ولو اللي بيوقع وكيل لازم تتاكد من سريان التوكيل وصحته .
- لازم البائع يحرر توكيل بيع للنفس والغير للمشتري بصيغة معينه , متكتفيش بالتوكيل فقط دون عقد البيع ولا تكتفي بعقد البيع دون التوكيل ,قانونا لازم توكيل وعقد .
- الافضل في كل الاحوال لو العقار مبني انك تستلم وقت توقيع العقد ودة لان البائع ممكن يحرر اكثر من عقد بيع في نفس الوقت لاكثر من مالك , أو ممكن يكون قد صدر للعقار قرار تمكين لزوجة ,ولو مش هتستلم في نفس توقيت كتابة العقد ادفع مقدم تعاقد فقط واعمل عقد بيع ابتدائي ولما يحين موعد الاستلام غير العقد لعقد بيع نهائي وادفع باقي الثمن .
- عاين العقار أكثر من مرة وأسال المحيطين بالعقار علشان تعرف لو في منازعة بخصوصة .
November 04, 2025 - بواسطة مشرف